චීනයේ එක් තීරයක් එක් මාවතක් 05 වන සංවත්සර සැමරුම 24 වැනිදා



ශ්‍රී ලංකා චීන සමාජ හා සංස්කෘතික සහයෝගීතා සංගමයේ ප්‍රධානත්වයෙන්, හා විදේශිය රටවල මිත්‍රත්වය සඳහා වන චීන ජනතා සංගමය(CPAFFC) මගින් සාංවිධානය කරන 21 වන සියවසේ සේද මාවත හෙවත් එක් තීරයක එක් මාවතක් 05 වන සංවත්සර උත්සවය කොළඔ ගලධාරී හෝටලයේදී ඔක්තොම්බර් 24 පෙරවරු 10.00ට පැවැත්වේ.

චීන ජනාධිපති ෂී ජන්පින් මහතාගේ ශ්‍රේෂ්ඨ සංකල්පයක් වන 21 වන සියවසේ සේද මාවත හෙවත් එක් තීරයක් එක් මාවතක් සංවර්ධන උපාය මාර්ගය ලොවට හඳුන්වා දී වසර 05ක් මේ වන විට ගත වි තිබේ.
2013 වර්ෂයේ සැප්තැම්බර් හා ඔක්තොම්බර් මාසවලදි කසකස්ථානය හා ඉන්දුනීසියාව යන රටවලදී චීන ජනාධිපති ෂී ජන්පින් මහතා විසින් මෙම සංවර්ධන උපාය මාර්ග වැඩසටහන හදුන්වා දෙන ලදී.

එක් තීරයක් එක් මාවතක් 21 වන සියවසේ සේද මාවත සංවර්ධන උපාය මාර්ගික සැළසුම මඟින් සමස්ථ ලෝකයටම ප්‍රතිලාභ ලැබෙන පරිදි ක්‍රියාත්මක කෙරේ.අතිත සේද මාවත ඔස්සේ සිදුවු වෙළදාමට නව පනපොවමින් ලොව රටවල් 78ක ක්‍රියාත්මක කිරීමට සැළසුම් කර ඇති මෙම වැඩසටහන සඳහා චීනය ඇමෙරිකන් ඩොලර් ට්‍රිලියන 5ක් ඇස්තමේන්තු කර ඇත. එමඟන් ප්‍රවාහන හා බලශක්ති ක්‍රියාවලියට අයත්වන මාර්ග,පාලම්,ගෑස් නළ,වරාය,දුම්රිය සේවා සහ බලාගාර ඉදිකිරිමට කිරීමට යෝජනා කෙරේ.

එක් තීරයක් එක් මාවතක් සංකල්පය කොටස් දෙකක් යටතේ ක්‍රියාත්මක වන අතර මධ්‍යම ආසියාව මැද පෙරදිග හරහා පැවති ඉපැරනි සේද මාවත (One Belt One Road) ඔස්සේ ද, එමෙන්ම ආසියාව අප්‍රිකාව හා යුරෝපා රටවල් සමඟ සම්බන්ධතා තර කර ගැනීම යටතේ සමුද්‍රික සේද මාවත (One Road Initiative) ක්‍රියාත්මක වේ.ශ්‍රී ලංකාවද එක් තීරයක් එක් මාවතක් වැඩ සටහන යටතේ ප්‍රධාන මධ්‍යස්ථානයකි.

ශ්‍රී ලංකා චීන සමාජ හා සංස්කෘතික සහයෝගීතා සංගමයේ ප්‍රධානත්වයෙන්, හා විදේශිය රටවල මිත්‍රත්වය සඳහා වන චීන ජනතා සංගමය(CPAFFC) මගින් සාංවිධානය කරන 21 වන සියවසේ සේද මාවත හෙවත් එක් තීරයක එක් මාවතක් 05 වන සංවත්සර උත්සවය කොළඔ ගලධාරී හෝටලයේදී ඔක්තොම්බර් 24 පෙරවරු 10.00ට පැවැත්වේ. ශ්‍රී ලංකාවේ චීන තානාපති කාර්යාලය හා චීන මිත්‍රත්වය සඳහා වන දකුණු ආසියානු සංගමය (OSARFFC) මෙම සමුළුවට සහභාගි වෙති.

සමුළුවේ සමාරම්භක අවස්ථාවේ ප්‍රධාන ආරාධිතයා වශයෙන් පාර්ලිමේන්තුවේ කථානායක කරු ජයසූරිය මහතා සහභාගි වන අතර ගෞරවනීය ආරාධිකයින් වශයෙන් ලංකාවේ චීන තානාපති, චෙං ෂියුවන්, අමාත්‍ය පාඨලී චම්පික රණවක සහභාගි වන අතර ඔවුන් විශේෂ දේශනද පවත්වති.

චීනය සමඟ මිත්‍රත්වය සදහා වන දකුණු ආසියානු සංගමයේ සභාපති අනුප් රංජන් බට්ටාරි, ශ්‍රී ලංකා චීන සමාජ හා සංස්කෘතික සංගමයේ සභාපති ඉන්ද්‍රානන්ද අබේසේකර යන මහත්වරුන් හා බංගලිදේශය. ඉන්දියාව. නේපාලය. මාලදිවයින හා ශ්‍රී ලංකාවේ නියොජිතයන් මෙම සමුළුවට සහභාගි වෙති.

එක් තීරයක් එක් මාවතක් ආර්ථික මණ්ඩපය, සංස්කෘතික, සංචාරක හා මිත්‍ර ප්‍රවර්ධන යන තේමා හතරක් යටතේ ප්‍රධාන සමුළුවට සමගාමීව සාකච්ඡා මණ්ඩප 4ක්ද පැවැත් වේ. ඒ සඳහා ඉහත රටවල් නියොජනය කරමින් එම ක්ෂේත්‍රවල විද්වතුන්, ව්‍යාපාරිකයින්, ආයෝජකයින්, බුද්ධිමතුන් රැසක් සහභාගි වන බව ශ්‍රී ලංකා චීන සමාජ හා සංස්කෘතික සහයෝගීතා සංගමයේ මාධ්‍ය හා ප්‍රචාරක කමිටු සභාපති දයා ශ්‍රී නරේන්ද්‍ර රාජපක්ෂ මහතා පවසයි.




Views
399
2018-10-20 13:41:58