රුපියල පිරිහීමේ බලපෑම්
රුපියල පිරිහීමේ බලපෑම්

පසුගිය දිනවල වේගයෙන් පිරිහෙන්නට පටන් ගත් රුපියල රැක ගැනීම සදහා රජයත් ශ්‍රී ලංකා මහ බැංකුවත් එක්ව නොයෙකුත් ක්‍රියාමාර්ග අනුගමනය කරමින් සිටියත් තවමත් ඇමරිකානු ඩොලරයට සාපේක්ෂව ශ්‍රී ලංකා රුපියල වේගයෙන් පිරිහෙමින් තිබේගමහ බැංකුව විදේශ සංචිත ද යොදමින් විදේශ විනිමය වෙළෙදපොළට මදිහත් වුවත් සිදු කළ හැකිව තිබෙන්නේ තාවකාලික පිළියමක් පමණිගමේ අනුව පෙරේදා :09 * ඇමරිකානු ඩොලරයක අගය ලංකා ඉතිහාසයේ ප්‍රථම රුපියල පිරිහීමේ අහිතකර බලපෑම් වතාවට රුල172 ද ඉක්මවා ගියේයග ඇමරිකානු ඩොලරයක විකුණුම් අගය ඉකුත් 08 වැනිදා රුග 171ග99 ක් වියගමේ අනුව ශ්‍රී ලංකා මහ බැංකුව එදින නිකුත් කළ අලුත්ම විනිමය අනුපාත අගයන්ට අනුව ඇමරිකානු ඩොලරයක විකුණුම්අගය රුල172ග34 ක් දක්වා ඉහළ ගිය අතර එම අගය ඊයේ :10* දිනයේදී රු ග172ග81 ක් දක්වා තවදුරටත්ඉහළ ගොස් තිබේගමහ බැංකුව පසුගිය දිනවලදී මැදිහත් නොවුයේ නම් ඇමරිකානු ඩොලරයට සාපේක්ෂව ශ්‍රී ලංකා රුපියලේ අගය තිබෙනු ඇත්තේ මේ අගයේ නොවේගඑය ඇතැම් විට රු.175 හෝ 180 ද ඉක්මවා ගිය අගයක් විය හැකියගඅපට වෙනත් රටවලට මේ විශාල වශයෙන් විදෙස් සංචිත නැති නිසා අපේ මහ බැංකුවට රුපියල රක ගැනීම සදහා සංචිත විශාල වශයෙන්යොදා ගැනීම දුෂ්කර කටයුත්තකිගඉදිරි කාලය තුළ විශාල රාජ්‍ය ණය ගෙවීම් කිරීමට තිබෙන නිසා තිබෙන සීමිත සංචිත ප්‍රමාණය රුපියල රැක ගැනීමට භාවිතා කිරීම අවධානම් සහගතය.ඒ නිසා දිනපතා විශාල අවප‍්‍රමාණයකට හෝ අධිප‍්‍රමාණයකට තුඩු දෙන උච්චාවචනයන්හිදී විනිමය අනුපාතය ස්ථාවර කිරීමට මහ බැංකුව කිසියම් මට්ටමකට මැදිහත් වේ.දැන් සිදු වෙන්නේ එයයි. එසේ වුවත් ඒ නිසා වන්නේ රුපියල පිරිහීමේ ප්‍රමාණය කිසියම් මට්ටමකින් අවම වීම පමණි. එසේ නොමැතිව මෙවැනි අවස්ථාවකදී විදේශ සංචිත යොදාගෙන රුපියල විශාල වශයෙන් රැක ගැනීමට ගියහොත් වන්නේ තියන සංචිත ටිකත් නැති කරගෙන රැක ගත් රුපියලකුත් නැති තත්වයකට පත් වීමටය.මහා බැංකුව එය හොදටම දන්නා නිසාත් මේ සම්බන්ධයෙන් අතීත අත්දැකීම් තිබෙන නිසාත් මහා බැංකුව යොමුව තිබෙන්නේ තිබෙන සංචිත රැක ගනිමින් සීමිත ලෙස විනිමය අනුපාතයේ ඇති උච්ජාවචනයන් පාලනය කර ගැනීමට මදි හත් වීමක් පමණි.අපට හැගෙන්නේ මහා බැංකුවට මේ මොහොතේ කළ හැකිව තිබෙන්නේ එය බවයි.

මේ නිසා අප වටහා ගත යුත්තේ රුපියල පිරිහීමේ ප‍්‍රධාන ප‍්‍රවණතාව දිගටම පවතිනු ඇති බවත් එය පෙරට වඩා තරමක් වේගවත් එකක් වනු ඇති බවත්ය. ලෝක තෙල් මිල ඉහළ යාම නිසා ප්‍රශ්නය වඩාත් උත්සන්න විය හැකිය.ඊයේ (10) දිනයේද
තෙල් මිල සුත්‍රය අනුව තෙල් මිල සංශෝධනයකට මේ රටේ ජනයා මුහුණ දී ඇත. මෙලෙස අපේ විනිමය අනුපාතයට පෙරට වඩා පීඩනයකට මුහුණ දීමට සිදුව ඇති බව පැහැදිලි කරුණකි.2018 වසරේ ඔක්තෝබර් 08 වැනි දින දක්වා කාලපරිච්ඡේදය තුළ දී ශ්‍රී ලංකා රුපියල ඇමරිකානු ඩොලරයට සාපේක්ෂව සියයට 10.2 කින් අවප්‍රමාණය වී තිබේ. ඉකුත් ඔක් 02 වැනි දින දක්වා ඇමරිකානු ඩොලරයට සාපේක්ෂව රුපියල පිරිහී තිබුණේ සියයට 9.7 කින් පමණි. ගිය (2017) සමස්ත වර්ෂයේම ශ්‍රී ලංකා රුපියල ඇමරිකානු ඩොලරයට සාපේක්ෂව පිරිහීමට ලක් වුයේ සියයට 2 කින් පමණි.මේ අතර අනෙකුත් විදේශ ව්‍යවහාර මුදල්වල හැසිරීම පිළිබිඹු කරමින් මේ වසරේ මේ දක්වා කාලය තුළ දී ශ්‍රී ලංකා රුපියල, ඉන්දියානු රුපියල හැර අනෙකුත් ප්‍රධාන විදේශ ව්‍යවහාර මුදල් ඒකකවලට සාපේක්ෂව ද අවප්‍රමාණය වී ඇත .( මේ සමග ඇති වගුව බලන්න ) ජාත්‍යන්තර වශයෙන් ඇමරිකානු ඩොලරයෙහි ශක්තිමත් වීම ඇමරිකානු ඩොලරයට සාපේක්ෂව ශ්‍රී ලංකා රුපියලෙහි අවප්‍රමාණය වීම කෙරෙහි පසුගිය දිනවල සිට වැඩිවශයෙන් බලපෑ ඇති බව ශ්‍රී ලංකා මහ බැංකුව කියන අදහස් වලින් පැහැදිලි වන කරුණකි. මෙහිදී ඉන්දියානු රුපියල අපට වඩා ඇමරිකානු ඩොලරයට සාපේක්ෂව පිරිහී තිබුණත් මේ මොහොතේ ඉන්දියානු ආර්ථිකයේ තත්වයත් අපේ තත්වයත් සමාන නැත,ඉන්දියානු ආර්ථිකය සියයට 8කින් ඉහළ වර්ධනයක් ළගා කරගෙන තිබුනත් අපේ ආර්ථික වර්ධනය හොදටම පල්ලම් බැස ඇත.එය මේ වසරේදී(2018) සියයට 4 ටත් වඩා අඩු වනු ඇති අපේක්ෂා කෙරේ.එසේම අපේ පොලී අනුපාත පවතින්නේද ඉතා ඉහළ මට්ටමකය. ඒ නිසා ජාත්‍යන්තර වශයෙන් ඇමරිකානු ඩොලරයෙහි ශක්තිමත් වීම හමුවේ වෙනත් රටවල් අනුගමනය කරන ක්‍රියාමාර්ග අපට ඒ අයුරින්ම අනුගමනය කිරීමට පුළුවන්කමක් නැත.

ඇතැම් ය පවසනුයේ මේ තත්වය හමුවේ ගන්න ක්‍රියාමාර්ග අතර පොලී අනුපාත ඉහළ නැංවීමටද ඉඩ ඇති බවය.පෙර කී පරිදිම මේ වන විටත් අපේ පොලී අනුපාත තිබෙන්නේ ඉතා ඉහළ මට්ටම්වලය.අපේ ආර්ථික වර්ධනයත් පල්ලම් බස ඇති නිසා පොලී අනුපාත වැඩි කිරීමෙන් ආර්ථික වර්ධනය තවදුරටත් මන්දගාමී වීමට ඉඩ තිබේ.ඒ නිසා තවමත් පොලී අනුපාත ඉහළ නැංවීමට මහ බැංකුව පියවර ගෙන නැත. මීලගට ආනයන පාලනය ගැනකතා කිරීමේදී අනවශ්‍ය ආනයන පාලනය කිරීමේ වරද්ධක් නැත,එහෙත් අපනයන කර්මාන්ත වලට බලපාන ආනයන බොහොමයක් තිබේ.ඒ අතරම සරුංගලේ මෙන්ම ලණු කැරැල්ලද එපමණක් නොව මෙරට ජාතික කොඩිය පවා නිෂ්පාදනය කර මෙරටට එන්නේ චීනයෙන්බව බොහෝ දෙනෙක් දනිති. ඒවා පමණක් නොව තවත් ඕනෑ තරම් අනවශ්‍ය සහ අත්‍යවශය නොවන ආනයන ( අපනයන කර්මාන්තවලට අමුද්‍රව්‍ය ලෙස යොදා නොගන්නා ) තිබේ.ඒවාට කොපමණ විදේශ විනිමය ප්‍රමාණයක් රටින් පිටටඇදී යමින් තිබේදැයි අප හරියටම දන්නේ නැත.ඉන්දියාව මේ විනිමය අර්බුදය හමුවේ ආනයන භාණ්ඩ කාණඩ 19 ක් සදහා සිය බදු ප්‍රතිශත වැඩි කර ඇත.ඒ නිසා අපටද ගැලපෙන ආනයන පාලන ක්‍රියාමාර්ග වලට තාවකාලිකව හෝ ගමන් කිරීමට අපටත් සිදු වීම වැළක්විය නොහැකිය. රුපියල පිරිහීම අලුත් දෙයක් නෙවෙයි රාජපක්ෂ කාලෙත් රුපියල පිරිහුණා කියා කිසිවක් නොකර සිටීමට රජයට හෝ මහා බැංකුවට පුළුවන් කමක් නැත.මේ රජය මුලින් අනුගමනය කළේ කිසියම් ආකාරයකට ආනයන දිරි ගන්වන ප්‍රතිපත්තියකි,මුලදී දේශපාලන වාසි තකා විශාල ඉන්ධන මිල අඩු කිරීමක් කළ බවත් රාජ්‍ය සේවකයන්ට රු .10,000 ක ඇති විශාල වැටුප් වැඩි කිරීමක් කළ බවත් කිසිවෙකුටත් අමතක නැත. පුංචි කාර් සිහින අපේක්ෂා ඇති කළේ ද මේ අයමය.එහෙත් අද සිදුව ඇත්තේ කුමක්ද ? අලුතින් කාර් ගන්න තියා තියන ව්ය වත් දුවා ගන්න බැරි තත්වයකට පත් වීමටය.මේ සියල්ල නිසා වුයේ ඉල්ලුම වර්ධනය වීමයි.අනිත් අතට මේවයේ බර අයවැය හරහා සමස්ත මහජනයාට දරන්නටද සිදු විය.අද එහි විපාක වලට මුහුණ දී මාසෙන් මාසෙට තෙල් මිල වැඩි වීමේ සහ ඒ හරහා බස් ගාස්තු ඇතුළු අනෙකුත් සියලු මිල මට්ටම් වැඩි කිරීමේ බලපෑම් වලට මුහුණ දීමටය,ඉදිරියේදී තවදුරටත් තෙල් මිල ඉහළ යාමට මෙන්ම ජාත්‍යන්තර වශයෙන් ඇමරිකානු ඩොලරයෙහි ශක්තිමත් වීමට ඉඩ තිබේ.ඒ ඇමරිකානු පොලී අනුපාත තවදුරටත් ඉහළ යාමට ඇති ඉඩකඩ නිසාය.මේ නිසා
ඇමරිකානු ඩොලරයට සාපේක්ෂව ශ්‍රී ලංකා රුපියලෙහි පිරිහීමට මුහුණ දීමට මීට වඩා පුළුල් සුදානමක් අවශ්‍ය වෙයි.ඒ රුපියල ශක්තිමත් කර ගැනීමට නොව දිගින් දිගටම මස්ත බාල්දු වන තත්වය සමනය කර ගැනීමටය.එයට ඇති එකම විසදුම හැකිතාක් අපේ විදේශ විනිමය ආදායම් වර්ධනය කර ගැනීමට ක්‍රියාමාර්ග ගැනීමයි.ආනයන පාලනය මෙන්ම විදෙස් සංචිත යෙදීමද තාවකාලීන පිළියම් පමණි.අපනයන ආදායම් වැඩි කර ගැනීම ,සංචාරක ආදායම් වර්ධනය කර ගැනීම යනාදී වශයෙන් විනිමය ආදායම් උපයා ගත හැකි හැම ක්‍රියාමාර්ගයකටම යොමු විය යුතුව තිබේ.එය මහ බැංකුවට පමණක් කළ හැකි දෙයක් නොවේ,ඒ සදහා රජයට නිසි වැඩපිළිවෙළක් තිබේද යන බරපතල ප්‍රශ්නය තිබේ.

ශ්‍යාම් නුවන් ගනේවත්ත

Views
383
2018-10-13 11:29:23