ගාස්තු සංශෝධනය සම්බන්ධයෙන් අවසන් එකඟතාව අද


අද(17) දිනයේ බස් ගාස්තු සංශෝධනය සම්බන්ධයෙන් අවසන් එකඟතාවකට පැමිණීමට බලාපොරොත්තු වන බව සමස්ත ලංකා පෞද්ගලික බස් සමාගම් සමිති සම්මේලනය පවසයි.

ඉන්ධන මිල ඉහළයාමට සාපේක්ෂව බස් ගාස්තු ඉහළ දැමීමක් සිදු කළ යුතු බව එම සංගමයේ අදහසයි.

ඒ අනුව මෙම ගැටළුව විසදීම සඳහා රජයට දින 03ක කාලයක් ලබා දෙන බව ද ඔවුන් සඳහන් කර සිටියේය.

කෙසේවෙතත් තම ගැටළුවට නිසි ප්‍රතිචාරයක් නොලැබීම හේතුවෙන් මේ සම්බන්ධයෙන් ගත යුතු ඉදිරි ක්‍රියාමාර්ග පිළිබඳව අද දිනයේ අවසන් එකඟතාවයකට පැමිණීමට බලාපොරොත්තු වන බව සමස්ත ලංකා පෞද්ගලික බස් සමාගම් සමිති සම්මේලනයේ ලේකම් අංජන ප්‍රියන්ජිත් මහතා සඳහන් කළේය.

මේ අතර ඉන්ධන මිල ඉහළ දැමීමට විරෝධය පළ කරමින් ලබන මාසයේ සිට ධිවර කටයුතුවලින් ඉවත්විමට සමස්ත ලංකා බහුදින යාත්‍රා හිමිකරුවන්ගේ සංගමය තීරණය කර තිබේ
Views
62
2018-09-16 23:49:17
ආර්ථික පුවත්