අර්ජුන මහේන්ද්‍රන්ට තානාපති රැකවරණ


මහ බැංකු බැඳුම්කර වංචාව සම්බන්ධයෙන් චෝදනා ලැබ සිටින මහ බැංකුවේ හිටපු අධිපති අර්ජුන මහේන්ද්‍රන් මහතා තානාපති රැකවරණය යටතේ සිංගප්පූරුවේ සිටින බව අද (06) කොළඹ පැවති පැවති මාධ්‍ය හමුවකට එක් වෙමින් ආණ්ඩුවෙන් ඉවත් වූ ශ්‍රී ලංකා නිදහස් පක්ෂයේ දාසයේ කණ්ඩායමේ සාමාජික එස්.බී දිසානායක මහතා පැවසීය.


කාලය අවසන් වී ඇති තානාපතිගේ කාලය දික් කරමින් මහේන්ද්‍රන් රකින බවද ඔහු කීවේය.


ඒකාබද්ධ විපක්ෂය විසින් ඊයේ (05) දිනයේ සංවිධානය කළ උද්ඝෝෂණය සාර්ථක වූ බව ද ඔහු කීවේය.

ජන බලය කොළඹට විරෝධතාවට සම්බන්ධ වූ පිරිසට කඳුළු ගෑස් සහ ජල ප්‍රහාර එල්ල කිරීමට අමාත්‍යවරුන් කිහිපදෙනෙකුට වුවමනාවක් තිබූ බවද ඒ මහතා ප්‍රකාශ කළේය.

මහ බැංකු බැඳුම්කර වංචාව සම්බන්ධයෙන් චෝදනා ලැබ සිටින මහ බැංකුවේ හිටපු අධිපති අර්ජුන මහේන්ද්‍රන් මහතා තානාපති රැකවරණය යටතේ සිංගප්පූරුවේ සිටින බවත් තානාපතිවරයාගේ කාලය අවසන් වුවද ඔහුගේ කාලය දීර්ඝ කරමින් ඔහුට ආරක්ෂාව සපයන බව එස්.බී දිසානායක මහතා ප්‍රකාශ කළේය.

එක්සත් ජාතික පක්ෂය නිසා ජනාධිපතිවරයාට නීතියේ අධිපත්‍ය රැක ගැනීමට නොහැකි වී ඇති බවද ඒ මහතා ප්‍රකාශ කළේය.
Views
305
2018-09-06 07:07:49
දේශපාලන පුවත්
ජනප්‍රිය පුවත්